Ötən günlərdə “Sport1.az”a açıqlama verən “Kəpəz”in sabiq futbolçusu Yeqor Xvalko Gəncə təmsilçisindən ayrıldığını klubun “instaqram” hesabındakı paylaşımdan öyrəndiyini demişdi.

Karyerasını Azərbaycanda davam etdirmək istəyən futbolçu komandadan ayrılmasından narazı qaldığını, 36 çempionat oyunun 33-də oynadığını vurğulayıb. “Football-plus.az” məsələni araşdırıb, “Kəpəz” klubu ilə əlaqə saxlayıb.

Aydın olub ki, futbolçunun özü ilə əlaqə saxlanılmasa da, həm Yeqorun, həm də digər futbolçuların göndərildiyi birbaşa menecerlərinə bildirilib. Bütün futbolçularla yolları ayırmaq qərarı da yanlız Adil Şükürovundu. Həm rəhbərlik, həm də mütəxəssis səviyyəsində transfer işləri “az, amma keyfiyyətli olsun” prinsipi ilə gedir. Bundan sonra da transferlər gözlənilir.

MÜZƏFFƏR QULUZADƏ