“Yaxşı ki, sizi tanımışam” – Rauf Allahverdiyev futboldan uzaqlaşdırıldı
Rauf Allahverdiyev futboldan uzaqlaşdırılıb.
Səbəb isə məlumdu: ölkə kubokunun yarımfinal mərhələsinin “Neftçi” – “Sabah” oyununda Yuri Matiasın Coy-Lens Mikelsə qarşı cərimə meydançası daxilində kobud oyununu futbol ictimaiyyəti uzun müddət müzakirə etdi. Zərərçəkən “Sabah” mərhələni keçə bilməsəydi, yəqin ki, məsələ “dağa dönərdi”.
Epizod baş hakim Əliyar Ağayevin gözləri önündə baş vermişdi. Əliyar Ağayev davam qərarı verib və VAR hakimi Rauf Allahverdiyev də Ağayevə nə referiyə penalti ilə bağlı bir söz deyib, nə də VAR-a çağırıb.
Ötən həftə AFFA-da məsələ yenidən müzakirəyə qoyulub. Rauf Allahverdiyev baş katib Cahangir Fərəcullayev və vitse-prezident Sərxan Hacıyevlə görüşüb. Ona bu epizoda qərəzli yanaşdığı deyilib. Deyilənlərə görə, Cahangir bəy hətta “Neftçi” turu keçsəydi, biz nə edərdik?” deyib.
Rauf Allahverdiyev “feysbuk” hesabında belə paylaşım edib:
“Həyatımın xoş və pis günündə yanımda oldular. Mənə həm mənəvi, həm də maddi kömək etdilər. Yaxşı ki, sizi tanımışam”.
MÜZƏFFƏR QULUZADƏ
Digər xəbərlər
