“Vaşinqton”un hücumçusu Aleksandr Oveçkin yay məzuniyyəti dövründə Rusiyada eksklüziv müsahibə verə bilməz!

"Football-plus.az" xəbər verir ki, iddia ilə qonşu ölkənin “Matç TV” kanalı çıxış edib. Bu qaynaq bildirir ki, 39 yaşlı rusiyalı haqda film çəkən MHL belə qərar verib. Bu qadağa yalnız hokkeyçinin sponsorları, həmçinin mətbuat konfransları üçün keçərli deyil.

2024/25 mövsümündə Ueyn Qretskinin müntəzəm çempionatda qol sayına görə rekordunu (894) qıran Oveçkinin hesabında 897 qol var. Rusiyalı ulduz Türkiyədə bir ay dincələndən sonra çərşənbə axşamı vətənə qayıdıb, Amerikaya isə sentyabrın əvvəlində yollanacaq.

Bu arada MHL ilə bu liqada çıxış edən oyunçuların assosiasiyası (NHLPA) 2030-cu ilə qədər olan dövr üçün yeni kollektiv müqaviləni paraflayıb. 2026/27 mövsümündən qüvvəyə minəcək müqavilə müntəzəm çempionatda oyun sayının 82-dən 84-ə çatdırılmasını nəzərdə tutur.

MHL-in komissarı Qeri Bettmen yeni anlaşmanı belə dəyərləndirib:

Sənəddə həmçinin müqavilələrin tərtib olunması ilə bağlı dəyişikliklər də yer alıb. Bundan sonra istənilən hokkeyçi klubu ilə müqavilə müddətini maksimum 7 il uzada bilər, azad agentlər isə 6 illik müqavilə bağlamaq imkanına malikdi.

Amerikanın kabel idman televiziya kanalı ESPN ilin yekunlarına görə mükafatlara namizədlərin siyahısını açıqlayıb. Təbii ki, daha çox maraq doğuran nominasiyalardan biri MHL-in ən yaxşı hokkeyçisinin kim olacağıdı.

ESPN-in siyahısında bunlar yer alıb: Leon Drayzaytl (Edmonton), Konnor Hellebayk (Vinnipeq), Nikita Kuçerov (Tampa-Bey), Kayl Makar (Kolorado). Mükafatlandırma mərasimi iyulun 16-da keçiriləcək.