Məlum olduğu kimi, “Zirə” Konfrans Liqasının 2-ci təsnifat mərhələsi çərçivəsində “Hayduk”la qarşılaşacaq. Komandalar arasında ilk matç iyulun 23-də saat 19.30-da “Neftçi Arena”da baş tutacaq.

Bu gün təqvimin iyulun 15-ni göstərdiyini nəzərə alsaq, “qartallar” sabah gecə saat 00.00-adək iştirak ərizəsini UEFA-ya təqdim etməlidi.

Bəs ərizə hazırdımı?

Bu sualla klubun mətbuat xidmətinin rəhbəri Elmar Abdullazadəyə müraciət etdik. O, “Football-plus.az”a açıqlamasında ərizənin hələ ali futbol qurumuna göndərilmədiyini bildirdi.

Xatırladaq ki, futbolçuların siyahısı dəqiqləşməsə də, Salifu Sumanın komandadan ayrıldığı bəlli olub. O, böyük ehtimalla, karyerasını Sloveniya “Maribor”unda davam etdirəcək.

KƏNAN BAHADIR