"Matç "Selye" üçün pis başladı. "Sabah" hələ 3-cü dəqiqədə Anatoli Nuriyevin küncdən, Pavol Şafrankonun başla zərbəsi sayəsində hesabı açdı. Ancaq özünü itirməyən "qraflar" cəmi 4 dəqiqə sonra Daniel Şturmun məhsuldar ötürməsi, Franko Kovaçeviçin qoluyla hesabı bərabərləşdirdi və "qatarı relsə qaytardı". Şafrankonun 18-ci dəqiqədə təyin edilən penaltini dəqiq yerinə yetirməsi "Sabah"ın fasiləyə hesabda öndə yollanmasına səbəb oldu. İkinci yarıya möhtəşəm başlayan komanda isə ispaniyalı strateq Albert Rieranın yetirmələri oldu. Nikita İosifovun dəqiq ötürməsi, Kovaçeviçin dublu "Selye"ni yenidən qələbəyə çağırdı. Matçın son dəqiqələrində hər iki kollektivin baş məşqçisi həlledici həmlələrini etdi. Və hadisələrin axarına daha hakim olan Riera meydana sonradan buraxdığı oyunçulardan Anomnaxi Çidinin məhsuldar ötürməsi, Darko Hrkanın qoluyla Sloveniyaya qələbə qazandırdı. Hesabda iki dəfə geri düşsə də, Selyeni zəfərlə sevindirən uşaqlara təşəkkür edirik".