Ölkəmizi həndbol üzrə Avropa kubokunda təmsil edəcək klublar müəyyənləşib.

"Football-plus.az" xəbər verir ki, nüfuzlu yarışda iki kişi və iki qadın komandamız mübarizə aparacaq.

Kişi həndbolçular arasında sonuncu ölkə çempionatının qalibi “Kür” və gümüş mükafatçı “Bakı” qitə yarışına qatılacaq. Avropa kubokunda ilk mərhələdən azad olan təmsilçilərimiz mübarizəyə ikinci mərhələdən qoşulacaq.

Ümumilikdə bu mərhələdə qitənin 55 komandası yarışacaq. İlk mərhələdən gələcək 9 klubdan sonra iştirakçılar mübarizəni 1/32 finaldan davam etdirəcək. İkinci mərhələniun ilk oyunları oktyabrın 11-12-də, cavab görüşləri bir həftə sonra keçiriləcək.

Qadın həndbolçuların Avropa kubokunda isə ölkəmizi Azərbaycan çempionu “Azəryol” və 3-cü yerin sahibi “Kür” təmsil edəcək. Bütün komandalar yarışa ikinci mərhələdən start verəcək. Burda 50 komanda yarışacaq. Reytinq xalı yüksək olan digər 7 klub isə turnirdə 3-cü mərhələdən çıxış edəcək.

İkinci mərhələnin ilk oyunları sentyabrın 27-28-də, cavab görüşləri oktyabrın 4-5-də keçiriləcək.