"Sabah" iyulun 10-da Avropa Liqasının 1-ci təsnifat mərhələsində "Selye"ni qəbul edəcək. Football-plus.az" xəbər verir ki, qonaqların baş məşqçisi Albert Riera oyunöncəsi mətbuat konfransında jurnalistlərin suallarını cavablayıb. Qeyd edək ki, Bakıdakı tıxac səbəbindən konfrans 15 dəqiqə gec başlayıb.

- “Sabah” haqda fikirləriniz necədi? Zəif və güclü tərəfləri haqfa nə deyə bilərsiz?
- Futbolçu olduğum dövrdə komandaları araşdırmaq belə rahat deyildi. Rəqibi araşdırmışıq, təhlil etmişik. Sekidikanı xüsusi qeyd edərdim.
- “Selye”nin heyətində kifayət qədər dəyişikliklər olub, “Sabah”da elə də yox. Bu sizə necə təsir edə bilər?
- Ötən mövsümlə müqayisədə üç vacib oyunçumuzu itirmişik, amma yeni transferlər də var. Ötən il Konfrans Liqasında uğurlu oyun göstərmişik. Yəqin ki, rəqib də bizi yaxşı təhlil edib. Dəyişikliyin olması yaxşı haldı.
- “Sabah” “Makkabi”, “Partizan” kimi klublara başağrı olub. Bu sizi narahat etmir?
- Biz də Kipr və İsveçrənin güclü klublarını məğlub etmişik. “Sabah”a hörmət edirik. Sabahkı 90 dəqiqədən çox şey aslı olacaq. Oyundan əvvəl belə müqayisələr düzgün deyil.
Qonaqların futbolçusu Mark Zabukovik də jurnalistlərin suallarını cavabladı.
- Komanda olaraq yeni mövsümə necə hazırlaşdız? Komandadaxili ab-hava necədi?
- Qısa olsa da, uğurla başa vurduq. Fiziki və taktiki cəhətdən yeni mövsümə hazırıq.
- “Sabah”dan əvvəl Azərbaycan futbolundan xəbərdar idiz?
- Düzünü desəm, yox. “Sabah”ın rəqib olduğunu biləndə araşdırdıq, indi kifayət qədər məlumatımız var.
MÜZƏFFƏR QULUZADƏ