“Yürgen ilə belə mövzularda dəfələrlə müzakirələr aparmışıq. Ona görə də bu fikirləri nə üçün səsləndirdiyini anlayıram. Ona böyük hörmətim var və dilə gətirdiyi dəlilləri dəstəkləməyə hazıram. Amma digər tərəfdən, biz məşqçilər, sadəcə, öz işimizi görürük. Bu turnirləri biz keçirmirik. Burda yer alanlar bununla fəxr edir. Bir çox klublar burda olmadıqlarına görə bu turnirdən şikayət edirlər. Amma onlar burda olsaydılar, turniri tərifləyərdilər. Burda keçirdiyim hər andan zövq almağa çalışıram. Yaxşı atmosferdə keçən maraqlı bir turnir izləyirik. Əsas odu ki, əvvəlki gücümüzü, səviyyəmizi bərpa edək. Bu turnirdə qarşıya qoyduğumuz əsas hədəf məhz budu. Futbolçularımız bizim irəlilədiyimiz yolu dərk etməli və son 9 ilin 8-də olduğu kimi rəqabətədavamlı komanda olduğumuzu anlamalıdı. Finaldan sonra nələr olacağını isə bilmirəm. Premyer-liqa bizə nə qədər fürsət yaratsa, o qədər də istirahət edəcəyik. Bəlkə də noyabr, dekabr və ya yanvarda faciə ilə üzləşəcəyik. Çünki bu turnirdə iştirak etdiyimizdən həmin vaxt hədsiz dərəcədə yorğun ola bilərik. Hər halda, ilk dəfə belə durumla qarşılaşırıq. Yeni mövsümün startından sonra nələr olacağını birlikdə görəcəyik”.