Bu yay “Liverpul”dan ayrılan Yürgen Kloppun yeni iş yeri müəyyənləşib. Almaniyalı mütəxəssis “Red Bull”da futbol şöbəsinin rəhbəri seçilib.

57 yaşlı sabiq məşqçi şirkətin “Leyptsiq”, “Zaltsburq”, “Nyu York Red Bulls” və digər klublarının inkişaf strategiyasına cavabdeh olacaq. Klopp yeni işə 2025-ci il yanvarın 1-də başlayacaq.

Qeyd edək ki, o, 2015-ci ilin oktyabr ayından çalışdırdığı “Liverpul”dan bu yay ayrılıb. Klopp mersisaydlılarla bir dəfə premyer-liqanın, İngiltərə kubokunun, ölkə superkubokunun, Çempionlar Liqasının və UEFA Superkubokunun qalibi olub.

Almaniyalı həmçinin iki dəfə İngiltərə Liqa kubokunu qazanıb.