Yeni mövsümdən Misli premyer-liqasında çıxış edəcək “Qəbələ” təlim-məşq toplanışına start verib.

"Football-plus.az" xəbər verir ki, komanda bu gün Qəbələdə bir araya gəlib. Futbolçular öncə fiziki hazırlıq keçib, ardınca toplu və topsuz çalışmalar yerinə yetirib.

Toplanışın ilk mərhələsi 14 gün davam edəcək. Bu müddət ərzində 2 yoxlama oyunu planlaşdırılıb. Hazırlıq matçları iyulun 6-sı və 14-ü baş tutacaq.

Təlim məşq toplanışının ikinci mərhələsinə iyulun 14-də start veriləcək. Avqustun 8-dək Qəbələdə davam edəcək hazırlıq dövründə daha 5 oyun keçirilməsi nəzərdə tutulub.