Görəsən, peşəkar səviyyədə qadınlarla kişilər arasında futbol matçı keçirilsə, hesab neçə olar? Yəqin ki, bu sualın cavabı bir çox futbolsevərə maraqlıdı.

"Football-plus.az" xəbər verir ki, İsveçrədə bu günlərdə məhz belə bir qeyri-adi oyun baş tutub. Belə ki, İsveçrənin qadınlardan ibarət yığma komandası əks cinsin nümayəndələrinə qarşı bir yoxlama oyunu keçirib.

Xanımların rəqibi isə ''Lütsern''in U-15 komandası olub. Yəni faktiki olaraq qadınların qarşısında yeniyetmələr oynasa da, onlar darmadağından qurtula bilməyiblər. İsveçrənin qadınlardan ibarət komandası 15 yaşlı futbolçulara 1:7 hesabı ilə məğlub olub! Qadın futbolunun ən məşhur simalarından olan, həm gözəlliyi, həm də oyunu ilə diqqət çəkməyi bacaran Alişa Lemann da bu qarşılaşmada iştirak edib.

Maraqlıdı ki, İsveçrə Futbol Federasiyası bu matçın nəticəsini gizli saxlamaq istəyib. Federasiya matçın iştirakçılarından hər şeyin gizli saxlanılmasını tələb edib. Ancaq ''Lütsern''in U-15 komandasının bir üzvünün oyun və nəticə ilə bağlı ''tiktok''dakı paylaşımından sonra futbol ictimaiyyəti belə bir qarşılaşmadan xəbər tutub.

Oyunun nəticəsi sosial şəbəkədə əsil gündəm yaradaraq böyük müzakirələrə səbəb olub.