“Əvvəl Qarabağı görmədən sevirdim, indi isə görüb daha çox sevməyə başladım. Futbolçularımızın bir qismi işğaldan azad olunduqdan sonra bu torpaqları ziyarət etmişdilər, lakin bəziləri ilk dəfədi görürlər. Ümumi təəssüratları Bakıda müzakirə edəcəyik. Lakin bura gəlmədən qabaq da oyunçulara müəyyən məlumatlar verilmişdi. Çox maraqla qarşıladılar. Yeni qurulacaq “İmarət” stadionunu da gördük. Çox xoş oldu. Legionerlər də yaxşı bilirlər ki, buraya gəlmək onların borclarıdı. Qarabağ sakinlərinin yanında olmaq istəyirik. Düşünürəm ki, onlar üçün də maraqlı oldu. Sevindirici məqamlardan biri də odu ki, burda azarkeşlərimizin bir çoxu ilə tanış olduq. Biz onlar üçün futbol oynayırıq. Çalışacağıq ki, qarşıdakı dönəmdə daha yaxşı nəticələr əldə edək. Hər zaman qeyd etdiyim kimi, məsuliyyətimiz günü-gündən artır”.