Superliqa təmsilçisi ''Kasımpaşa'' yeni baş məşqçisinə qovuşmaq üzrədi.

"Football-plus.az" xəbər verir ki, Burak Yılmazla yollarını ayıran İstanbul təmsilçisi Şota Arveladze ilə anlaşıb.

Yağız Sabuncuoğlunun xəbərinə görə ''Kasımpaşa'' gürcüstanlı mütəxəssis ilə birillik anlaşma əldə edib. Təcrübəli məşqçi çərşənbə günü son detalları razılaşdırmaq üçün İstanbula gələcək. Bununla da Arveladze 10 illik fasilədən sonra ''Kasımpaşa''nın başına keçəcək. İndiyə qədər bir çox klubu çalışdıran Arveladze ''Kayserispor'', ''Kasımpaşa'', ''Trabzonspor'', Tel-Əviv ''Makkabi''si, ''Paxtakor'', ''Hall Siti'' və son olaraq 2023/24-ün gedişində ''Fatih Karagümrük''də işləyib.

''Kasımpaşa'' onun məşqçi karyerasında ən uzun müddət başında yer aldığı ikinci klubdu. 52 yaşlı mütəxəssis 2012-15-ci illərdə ''Kasımpaşa''da 91 oyuna çıxıb. Onun dönəmində komanda hər oyuna orta hesabla 1,40 xal qazanmışdı. Arveladzenin ən çox çalışdırdığı klub isə ''Paxtakor''du.

O, 2017-20-ci illərdə Özbəkistan nəhənginin başında 128 oyuna çıxıb və 2 çempionluq olmaqla 5 titul qazanıb.