Türkiyə çempionatında 11-ci tur davam edir.

Ötən həftə derbidə ''Qalatasaray''a uduzaraq liderdən 8 xal geri düşən ''Beşiktaş'' bu dəfə evdə ''Kasımpaşa''nı yenməyə borclu idi. İstanbul nəhəngi Muçinin qolu ilə fasiləyə üstün yollansa da, ikinci hissədə ''Tüpraş Stadionu''nda inanılmaz hadisələr yaşandı. Çempionatın ortabablarından sayılan və heç bir ciddi iddiası olmayan ''Kasımpaşa'' 3 qol vuraraq 3:1 hesablı sensasiyon qələbə qazandı.

Xatırladaq ki, İstanbul təmsilçisi 7-ci turda ''Qalatasaray''la səfər oyununda da 0:3-ü 3:3-ə çevirməklə diqqət çəkmişdi. ''Kasımpaşa''nın baş məşqçisi Sami Uğurlu bu qələbə ilə adını Türkiyə çempionatı tarixinə yazdırdı. Belə ki, o, bu turnirdə ''Beşiktaş''a qarşı ardıcıl 4 oyundan qələbə ilə ayrılan ilk mütəxəssis oldu. Ötən mövsüm də onun ''Kasımpaşa''sı ''Beşiktaş''ı hər iki oyunda (evdə 2:1, səfərdə 3:1) məğlub etmişdi. Eləcə də 46 yaşlı mütəxəssis ''Kasımpaşa''da işlədiyi ilk dönəmdə, daha dəqiq desək, 2021/22-nin 2-ci dövrəsində yenə də səfərdə ''Qartal'' ilə oyunda inamlı qələbəyə (3:0) sevinmişdi.

ƏLİ