İngiltərə premyer-Liqası “Mançester Siti”ni cərimələyib.

"Football-plus.az" xəbər verir ki, bu məlumatı qurumun saytı yayıb.

Belə qərar verilməsinə səbəb “Siti”nin matçların vaxtında başlaması və bərpası ilə bağlı öhdəliklər baxımından çempionatın reqlamentini pozmasıdı. Məlumatda son mövsümdə MS-nin matçın başlamasını və ya onun bərpasını 9 dəfə gecikdirdiyi vurğulanır.

Klub rəhbərliyi qaydalara riayət etmədiyini etiraf edib. “Şəhərlilər” qayda pozuntularına görə 2,09 milyon funt sterlinq (təxminən 2,4 milyon avro) cərimə ödəməli olacaqlar.

Xatırladaq ki, Xosep Qvardiolanın komandası premyer-liqanın son mövsümünü 71 xalla 3-cü yerdə başa vurub.