Kilian Mbappe ilə bağlı yeni xəbər yayılıb. “Real”ın ABŞ-də xəstəxanaya yerləşdirilən futbolçusu evə buraxılıb.

İspaniya klubunun rəsmi saytının məlumatına görə, 26 yaşlı hücumçuya kəskin qastroenterit diaqnozu qoyulub. Kilian artıq komandanın düşərgəsinə qayıdıb. O, xüsusi tibbi müalicə almağa davam edəcək və tədricən məşqlərə qoşulacaq.

Xatırladaq ki, Mbappe xəstəxanaya iyunun 19-da yerləşdirilmişdi. Fransalı dünya çempionu bu səbəbdən klublararası dünya çempionatının “Əl-Hilal” ilə ilk oyununda (1:1) “Real”a kömək edə bilməyib.