“Bavariya” həvəskar, bəzi futbolçularına turnirdə iştirak üçün iş yerindən icazə ala bilməyən “Oklend Siti”nin qapısından 10 cavabsız qol keçirdi!

Təbii ki, belə hesabın fonunda oyunun axarından yox, maraqlı rəqəmlərdən danışmaq lazımdı. “Bavariya” turnirin tarixinə bir oyunda 10 qol vuran ilk komanda kimi düşdü. Həmçinin turnirin ən böyükhesablı qələbəsi reallaşdı. Buna qədər 2021-ci ildə keçirilən “Əl-Hilal” – “Əl-Cəzirə” (6:1) oyunu rekordçu idi. “Bavariya”da qol sayını 250-yə çatdıran Tomas Müller bu göstəricidə yalnız Levandovski (344) ilə Herd Müllerdən (566) geri qalır.

“Benfika” ilə oyun “Boka Xuniors” üçün ideal başladı: 21-ci dəqiqədə Merentiel hesabı acid, 27-ci dəqiqədə isə Battalya fərqi artırdı. Hissənin sonunda “Benfika”nın argentinalı veteranları – 37 yaşlı Di Mariya və Buenos Ayresdə dünyaya gələn kapitan Otamendi fəallaşdı. Di Mariyanın yerinə yetirdiyi künc zərbəsi zamanı topa çatmağa çalışan Otamendiyə qarşı kobudluq oldu. VAR-a baxan hakim “nöqtə”ni göstərdi və Di Mariya fərqi azaltmaq imkanını əldən vermədi. 72-ci dəqiqədə birbaşa “qırmızı” ilə meydandan qovulan Belotti “Benfika”nı azlıqda qoysa da, portuqaliyalılar məğlubiyyətdən qaça bildi. 84-cü dəqiqədə növbəti künc zərbəsini Otamendi başla tamamladı.

C qrupu
1-ci tur
Bavariya – Oklend Siti 10:0 (6:0)
Bavariya (Münhen, Almaniya): Noyer, Boe, TA, Stanişiç (Aznu, 82), Gerreyro (Upamenkano, 61), Kimmix, Pavloviç, Olise (Karl, 46), Müllür, Koman (Qnabri, 46), Keyn (Musiala, 61).
Oklend Siti (Yeni Zelandiya): Treysi, Murati, Boksall, Mitçell, Lobo (Laqos, 66), İliç, Den Hayer (Rocers, 82), Qarriqa (Çju Tun, 66), Yu (De Vris, 71), Bevan, Manikum (Kikolli, 71).
Qollar: Koman, 6 (1:0). Boe, 18 (2:0). Olise, 20 (3:0). Koman, 21 (4:0). Müller, 45 (5:0). Olise, 45+3 (6:0). Musiala, 67 (7:0). Musiala, 73-p. (8:0). Musiala, 84 (9:0). Müller, 89 (10:0).
Vərəqə: yoxdu.
Hakim: İssa Si (Seneqal).
15 iyun. Sinsinnati. 21152 tamaşaçı.

Boka Xuniors – Benfika 2:2 (2:1)
Boka Xuniors (Buenos Ayres, Argentina): Marçesin, Blanko, Kosta, Fiqal, Advinkula, Battalya, Palasios (Alarkon, 66), A.Errera (Belmonte, 20), Velasko (Ximenes, 58), Merentiel (Sebalyos, 65), Senon.
Benfika (Lissabon, Portuqaliya): Trubin, Karreras, Otamendi, A.Silva, Dal (Belotti, 46), Sançeş (Kökçü, 61), Florentino (Barreyro, 90), Bruma (Aktürkoğlu, 61), Eursnes, Di Mariya (Prestianni, 77), Pavlidis.
Qollar: Merentiel, 21 (1:0). Battalya, 27 (2:0). Di Mariya, 45+3-p. (2:1). Otamendi, 84 (2:2).
Vərəqələr: Palasios, 66. Karreras, 67. Pavlidis, 83. Kosta, 85 – sarı. Belotti, 72. Fiqal, 88 – qırmızı.
Hakim: Sesar Ramos Palasuelos (Meksika).
16 iyun. Mayami. 55574 tamaşaçı.

2-ci tur
Benfika – Oklend Siti 6:0
Di Mariya, 45+8-p.; 90+8-p. Pavlidis, 54. Sanşeş, 63. Barreyro, 76; 78.
Bavariya – Boka Xuniors 2:1
Keyn, 18. Olise, 84 – Merentiel, 66.

1. Bavariya 2 2 0 0 12-1 6
2. Benfika 2 1 1 0 8-2 4
3. Boka Xuniors 2 0 1 1 3-4 1
4. Oklend Siti 2 0 0 2 0-16 0

24 iyun: Benfika – Bavariya, Oklend Siti - Boka Xuniors.