Düşünmək olardı ki, PSJ ÇL-i qazanandan sonra bu turnir üçün emosional güc tapa bilməyəcək. Ancaq parislilər maksimum peşəkarlıq nümayiş etdirdi. “Atletiko” isə tipik “məzuniyyət komandası” təsiri bağışladı.

"Football-plus.az" xəbər verir ki, heç bir ideya, düşüncə, canfəşanlıq yox idi. Sanki meydanda səviyyəcə fərqli liqaların təmsilçiləri üz-üzə gəldi. Oyunun afişası hara, 4:0 hesabı hara?!

19-cu dəqiqədə hesabı açan PSJ fasilə ərəfəsində fərqi artırdı. Parislilər total dominantlıq edir, madridlilər təhlükəli vəziyyət yaratmaqda çətinlik çəkirdi. Fasilədən sonra Fransa klubu yenə hadisələrin axarına nəzarət etsə də, “Atletiko” bir qədər canlandı. Nəticədə “hindular” sayılmayan qol vurdular, 78-ci dəqiqədə azlıqda qalandan sonra isə daha iki top buraxdılar. Hesab komandaların göstərdiyi oyun səviyyəsi arasındakı uçurumun real göstəricisidi.

Yeri gəlmişkən, bu oyunu 80619 tamaşaçı izlədi ki, bu da hər iki klub üçün cari mövsümün rekordudu. 2025-ci ildə qol sayını 105-ə çatdıran PSJ “Barselona”nı (102) arxada qoymaqla bu göstəricidə “böyük beşlik”də liderliyi ələ keçirdi.
1-ci turun digər oyununda “Botafoqo” “Sietl Saunders”i məğlub etdi. Artıq ilk yarıda iki qol vuran braziliyalılar sona yaxın meydan sahiblərinin təsəlli qoluna mane ola bilmədi.

“Atletiko” PSJ önündəki darmadağının acığını “Sietl Saunders”dən çıxdı. Hesab “hindular”ın inamlı qələbəsindən xəbər versə də, ədalət naminə meydan sahiblərinin dəfələrlə real qol imkanını qaçırdığını da vurğulamalıyıq.

2-ci turun digər oyununda əsl sensasiya yaşandı. ÇL-in qalibi Libertadores kubokunun qalibinə uduzdu. Oyunboyu üstün təsir bağışlayan PSJ martın 5-dən bəri ilk dəfə meydandan qolsuz ayrıldı. Jezusun əks-hücum zamanı vurduğu qol “Botafoqo”nu qrup lideri etdi.

B qrupu
1-ci tur
PSJ – Atletiko 4:0 (2:0)
PSJ (Paris, Fransa): Donnarumma, Mendeş (L.Ernandes, 79), Paço, Markinyos, Hakimi, Ruis (Li Kan İn, 72), Vitinya, Neveş, Kvaratsxeliya (Zair-Emeri, 72), Ramuş (Mayulu, 66), Due (Mbay, 80).
Atletiko (Madrid, İspaniya): Oblak, Qalan (Mandava, 62), Lanqle, Le Norman, Lyorente, Lino (Koke, 46), Barrios (Sörlot, 70), De Paul (Qallaher, 62), Simeone (Korrea, 62), Qrizmann, Alvares.
Qollar: Ruis, 19 (1:0). Vitinya, 45+1 (2:0). Mayulu, 87 (3:0). Li Kan İn, 90+7-p. (4:0).
Vərəqələr: Lanqle, 20. Le Norman, 25. Simeone, 29. Koke, 48. Markinyos, 61. Korrea, 63. Mandava, 64 – sarı. Lanqle, 78 – qırmızı (ikinci sarı).
Hakim: İştvan Kovaç (Rumıniya).
15 iyun. Los Anceles. 80619 tamaşaçı.

Botafoqo RJ – Sietl Saunders 2:1 (2:0)
Botafoqo (Rio de Janeyro, Braziliya): Viktor, Telles (Kuyabano, 69), A.Barboza, Kunya, Vitinyo, Artur, Freytas (D.Barboza, 85), Qreqore, Mastriani (Korrea, 46), Savarino (Kabral, 69), Jezus (Rodriges, 85).
Sietl Saunders (ABŞ): Fray, Tolo (Beyker-Uaytinq, 46), Reygen, Kim Ki Xi (Bell, 46), A.Roldan, Varqas, K.Roldan, Kent (De la Veqa, 71), Rusnak, Ferreyra (Rotrok, 71), Musovski (De Rosario, 84).
Qollar: Kunya, 28 (1:0). Jezus, 44 (2:0). K.Roldan, 75 (2:1).
Vərəqələr: Tolo, 27. A.Barboza, 61. Korrea, 64. Reygen, 87 – sarı.
Hakim: Qlenn Nüberq (İsveç).
16 iyun. Sietl. 30151 tamaşaçı.

2-ci tur
Sietl Saunders – Atletiko 1:3 (0:1)
Sietl Saunders (ABŞ): Fray, Beyker-Uaytinq, Reygen, Bell, Kossa-Rientsi (Paulu, 79), Varqas, K.Roldan, Rotrok (A.Roldan, 66), Rusnak (Minunqu, 79), De la Veqa (Kent, 61), Musovski (Ferreyra, 60).
Atletiko (Madrid, İspaniya): Oblak, Qalan, Le Norman, Ximenes (Vitsel, 46), Lyorente, De Paul (Qallaher, 66), Koke (Korrea, 70), Barrios, Simeone, Alvares (Molina, 83), Sörlot (Qrizmann, 66).
Qollar: Barrios, 11 (0:1). Vitsel, 47 (0:2). Rusnak, 50 (1:2). Barrios, 55 (1:3).
Vərəqələr: De Paul, 42. Rotrok, 63. Qallaher, 77 – sarı.
Hakim: Yael Falkon (Argentina).
19 iyun. Sietl. 51636 tamaşaçı.

PSJ – Botafoqo RJ 0:1 (0:1)
PSJ (Paris, Fransa): Donnarumma, L.Ernandes (Mendeş, 56), Paço, Beraldo, Hakimi, Zair-Emeri (Ruis, 56), Vitinya, Mayulu (Neveş, 56), Kvaratsxeliya, Ramuş (Barkola, 56), Due (Li Kan İn, 79).
Botafoqo (Rio de Janeyro, Braziliya): Viktor, Telles (Kuyabano, 69), A.Barboza, Kunya, Vitinyo, Freytas, Qreqore, Allan (Nyuton, 86), Savarino (Rodriges, 69), Artur (Montoro, 78), Jezus.
Qol: Jezus, 36.
Vərəqələr: Qreqore, 57. Kuyabano, 89 – sarı.
Hakim: Dryu Fişer (Kanada).
19 iyun. Los Anceles. 53699 tamaşaçı.

1. Botafoqo RJ 2 2 0 0 3-1 6
2. PSJ 2 1 0 1 4-1 3
3. Atletiko 2 1 0 1 3-5 3
4. Sietl Saunders 2 0 0 2 2-5 0

23 iyun: Sietl Saunders – PSJ, Atletiko - Botafoqo RJ.