“Atletiko”nun dörd azarkeşi cəzalanıb.

"Football-plus.az" xəbər verir ki, onlar “Real”ın futbolçusu Vinisius Juniora qarşı irqçiliyə görə həbs ediliblər.

Bir müddət əvvəl “Atletiko”nun azarkeşləri Madrid derbisindən əvvəl Vinisiusu hədələmişdilər. Onlar körpüdən Juniorun görünüşündə bir kukla asmışdılar. Madrid prokurorluğu isə azarkeşlər haqda araşdırmaya başlamışdı. Artıq istintaq başa çatıb və dörd azarkeş həbs olunub.

Madrid Əyalət Məhkəməsi müttəhimlərdən birini 1 il 10 ay müddətinə həbs cəzasına məhkum edib. Digər üç nəfər isə 14 aylığa həbs olunublar. Bundan əlavə, birinci müttəhim 1084 avro, digər üç nəfər isə 720 avro cərimə olunub.