“Gizlətmirəm, biz yaşamaq uğrunda mübarizə aparırıq” – klub prezidenti
“Dinamo” 2-ci liqada yerini qorusa da, maliyyə durumu yaxşı olmayan, qarşıdakı mövsümdə çıxış etməsi sual altında olan komandalardandı.
Klubun prezidenti Yaşar Seyidov “Football-plus.az”a açıqlamasında “Dinamo”nun vəziyyətinin yaxşı olmadığını, ciddi problemlər yaşadığını dedi:
“Dinamo”nun çox ciddi çətinlikləri var. Gizlətmirəm, biz ikinci liqada yaşamaq uğrunda mübarizə aparırıq. Vaxtilə yaratdığımız İsgəndər Cavadov Bakı Futbol Akdademiyası olmasaydı, növbəti mövsümdə çıxış etməyimiz mümkün olmazdı. Problemlər hədsiz çoxdu. Həll etmək üçün danışıqlar aparırıq. Çox təəssüf ki, futbolda olan iş adamlarının da futbol sevgisi yoxdu. Gələn mövsüm akademiyamızın gənc futbolçuları ilə mübarizə aparacağıq”.
MÜZƏFFƏR QULUZADƏ
Digər xəbərlər
