Şimali Amerikanın MBA və MHL kimi liqalarının peşəkar idmanda ən üst səviyyə olduğunu hər kəs dərk edir və bu reallıqla barışır.

Football-plus.az xəbər verir ki, bu iki liqada elə böyük pullar fırlanır ki, avropalıların qibtə etməkdən başqa çıxış yolu yoxdu.

“Forbes” Milli Hokkey Liqasının bütün klublarının maliyyə reytiniqini açıqlayıb. Ardıcıl 8-ci ildi siyahıya “Reyncers” rəhbərlik edir. Nyu-York klubunun dəyəri 2,2 milyard dollardı. 2-ci yerdə qərarlaşan “Toronto”nun dəyəri bir qədər aşağıdı. Siyahının sonuncusu “Arizona”nın dəyəri 450 milyon dollar olsa da, bu da yetərincə yüksək məbləğdi: “Reyncers” – 2,2 milyard, “Toronto” – 2 milyard, “Monreal” – 1,85 milyard, “Çikaqo” – 1,5 milyard, “Boston” – 1,4 milyard, “Los-Anceles” – 1,3 milyard, “Edmonton” – 1,275 milyard, “Filadelfiya” – 1,25 milyard, “Vaşinqton” – 1,2 milyard, “Sietl” – 1,05 milyard, “Detroyt” – 1,03 milyard, “Aylenders” – 1,02 milyard, “Vankuver” – 1,01 milyard, “Tampa-Bey” – 1 milyard, “Pittsburq” – 990, “Veqas” – 965, “Nyu-Cersi” – 960, “Dallas” – 925, “Sent-Luis” – 880, “Kolorado” – 860, “Kalqari” – 855, “Minnesota” – 850, “Neşvill” – 810, “Ottava” – 800, “San-Xose” – 740, “Anahaym” – 725, “Vinnipeq” – 650, “Karolina” – 640, “Kolambus” – 620, “Baffalo” – 610, “Florida” – 550, “Arizona” – 450 milyon.