Çoxdan bir sıra klubların hədəfində olan Martin Baturina yeni mövsümə İtaliyada başlayacaq.

"Football-plus.az" xəbər verir ki, “Komo” rəhbərliyi Zaqreb “Dinamo”sunun gənc futbolçusu ilə razılaşıb. İnsayder Fabritsio Romanonun məlumatına görə, Xorvatiya klubu komoluların sonuncu təklifi qəbul edib.

Zaqreb təmsilçisi 22 yaşlı yarımmüdafiəçinin transferindən 18 milyon avro və əlavə bonuslarla birlikdə 25 milyon avroya çata biləcək qazanc əldə edəcək. 

Martin İtaliya klubu ilə müddəti 2030-cu ilin yayına qədər nəzərdə tutulan müqavilə imzalayacaq. O, yaxın günlərdə yeni komandası üçün tibbi müayinədən keçməlidi.

Baturina son mövsümdə komandasının heyətində 45 oyuna çıxaraq 6 qol vurub və 12 qolun ötürməsini edib.