Misli premyer-liqasında “Ayın qolu” layihəsinin qalibi mükafatlandırılıb.

"Football-plus.az" xəbər verir ki, bu barədə Peşəkar Futbol Liqasının mətbuat xidməti məlumat yayıb.

Münsiflər heyətinin rəyinə əsasən, “Neftçi” futbol klubunun üzvü Emin Mahmudov may ayında vurulan ən yaxşı qolun müəllifi olub.

Ona mükafatı AFFA-nın inzibati binasında Peşəkar Futbol Liqası İctimai Birliyinin prezidenti Elxan Səmədov təqdim edib.