“Çelsi” heyətini yeni futbolçu ilə gücləndirib.

"Football-plus.az" xəbər verir ki, paytaxt klubu son mövsümdə məhsuldar çıxışı ilə yadda qalan Liam Delap uğrunda mübarizədən qalib çıxıb.

Gənc futbolçu “Mançester Yunayted”in də maraq dairəsində idi. Lakin London klubu “İpsviç Taun” ilə danışıqlarda uğurlu nəticəyə nail olub. Tərəflər 6 illik müqavilə üçün anlaşıblar. “Çelsi” 22 yaşlı hücumçuya görə 30 milyon funt sterlinq ödəyəcək.

İngiltərə nəhəngi transferi tezliklə rəsmən açıqlayacaq.

Delap ötən mövsüm premyer-liqada meydana çıxdığı 37 matçda 12 qol vurub. Onun komandası mövsümün uğursuzlarından biri kimi çempionşipə düşüb. Ancaq Liam yeni mövsümdə də premyer-liqada oynayacaq.