MBA-da mövsümüm həlledici final seriyasına start verildi. ''Oklahoma''nın ''İndiana''nı qəbul etdiyi finalın ilk matçı nəfəsləri kəsdi.

Oyunboyu hesabda geridə olan ''Peysers'' 24 top itkisinə yol verərək bu mövsüm şəxsi antirekordunu yeniləsə də, inanılmaz şəkildə qalib gəlməyi bacardı. ''İndiana'' son saniyədə Tayris Halibertonun dəqiq 2 saylıq atışı ilə 111:110 qalib gəldi və seriyada 1:0 önə keçdi. Bu komanda birdən-birə iki mühüm göstəriciyə nail oldu.

MBA tarixində final seriyasında son 3 dəqiqəyə ən azı 9 xal geridə daxil olaraq qalib gələn komanda olmamışdı. Bundan başqa ''İndiana'' 1998-dən bu yana final seriyasındakı səfər oyununda 15 xallıq geriliyi aradan qaldıraraq qələbə qazanan ilk komanda oldu! Paskal Siakam 19 xal 10 ribaund ilə komandasının ən faydalı oyunçusu oldusa, Haliberton 14 xal, 10 ribaund, 6 ötürməlik performans sərgilədi.

''Tander''də isə mövsümün MVP-si Şey Gildjes-Aleksanderin 38 xallıq performansı qələbə üçün yetərli olmadı.