“Məhsuldarlığı olmayan sağ cinah müdafiəçisini çağırırlar, Faiqi yox”
Yığmanın baş məşqçisi Fernando Santuş ötən cümə qarşıdakı iki yoxlama oyunu üçün heyəti açıqladı.
Hər dəfə olduğu kimi, yenə də heyət ətrafında müzakirələr başladı. Portuqaliyalı mütəxəssisin seçimindən narazı qalanlar arasında “Turan Tovuz”un müdafiəçisi Faiq Hacıyevin meneceri Yunis Yunisli də var:
“Faiq Hacıyev millinin növbəti toplanışına çağırılmayıb. Onun yerinə başqa sağ cinah müdafiəçisini çağırıblar. Santuş deyib ki, oynamayan futbolçunu çağırmıram. Mən də onu demək istərdim ki, Faiq Hacıyev mövsümboyu oynayıb, üç qol vurub, üç məhsuldar ötürmə verib. Məhsuldarlığı olmayan sağ cinah müdafiəçisini çağırırlar, Faiqi yox. Faiq milli komandaya layiq olduğu halda, çağrılmayıb”.
Xatırladaq ki, yığmaya dəvət olunan yeganə sağ cinah müdafiəçisi Abbas Hüseynovdu.MÜZƏFFƏR QULUZADƏ
Digər xəbərlər
