Türkiyədə təşkil olunan “Rize Cup” beynəlxalq futbol turnirinə start verilib.

"Football-plus.az" xəbər verir ki, “Sabah”ın U-12 komandası turnirdə ilk oyunlarını keçirib. Komanda ilk matçda yerli “Rizespor”la qarşılaşıb. Oyun rəqibin 2:1 hesablı qələbəsi ilə nəticələnib. "Sabah"ın heyətində Səhlab Məmmədov fərqlənib.

“Sabah” növbəti qarşılaşmada “İstanbul BŞ" 1:0 hesabı ilə məğlub edib. Oyunda yeganə qolu Arda Fərəmuzov vurub.

Baş məşqçi Emin Salmanovun çalışdırdığı kollektiv üçüncü oyunda “Qaziantep”lə qarşılaşıb. "Sabah" bu matçdan 3:1 hesablı qələbə ilə ayrılıb. Görüşdə "Sabah"ın hər üç qolunu Arda Fərəmuzov vurub.

Üç oyundan sonra "Sabah"ın hesabında 6 xal var.