“Xəmsə” Azər Bağırovla bağlı qərara etiraz etmədi
“Kəpəz” Azər Bağırovla qarşılıqlı razılıq əsasında yolları ayırdı. Mütəxəssis “Turan Tovuz”la oyundan sonra keçirilən mətbuat konfransında yeni rəhbərliklə bəzi məsələlərdə ortaq məxrəcə gələ bilmədiyini söylədi.
Görəsən, “Kəpəz”in əsas azarkeş qrupu olan “Xəmsə” bu məsələyə necə yanaşır? Bağırovun istefaya göndərilməsi ilə razıdımı? Hansı tərəf haqlıdı? Komandanı yerli, yoxsa əcnəbi baş məşqçi çalışdırmalıdı?
“Xəmsə” azarkeş qrupunun idarə heyətinin üzvü Aqşin Əsgərov bu suallara belə cavab verdi:
“Burda kimin haqlı və ya haqsız olmasından asılı olmayaraq, əsas odu ki, hər şey “Kəpəz” üçün yaxşı olsun. Yerli məşqçinin olması, əlbəttə, daha uyğundu. Amma “Kəpəz”i zirvələrə daşıya biləcək, Gəncə futbol məktəbinə töhfə verəcək və ən əsası, ölkə futboluna xeyir gətirəcək insanlara dəstək verməyə hazırıq”.
ƏSƏD SEYİDOV
Digər xəbərlər
