"Sabah", "Turan Tovuz" və "Neftçi" cərimə edildi

27.05.2025 14:16 20
Ölkə futbolu
Bu gün AFFA İntizam Komitəsinin iclası keçirilib.

"Football-plus.az" xəbər verir ki, iclasda Misli premyer-liqasının cari mövsümünün son - 36-cı turundakı qayda pozuntuları ilə bağlı qərarlar qəbul edilib.

“Sabah” – “Neftçi” oyununun 50-ci dəqiqəsində “bayquşlar"ın futbolçusu Sofian Çakla ciddi qayda pozuntusuna görə birbaşa qırmızı vərəqə aldığı üçün 2 oyun cəzalandırılıb. Masazır təmsilçisi 1500 manat cərimələnib.

Həmin matçın 76-cı dəqiqəsində “Neftçi”nin futbolçusu Edvin Kuç rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalandırılıb. "Ağ-qaralar" 1000 manat ziyana düşüb.

“Turan Tovuz” – “Kəpəz” görüşünün fasiləsində meydançaya kənar şəxslər daxil olduğuna görə "bozqurd" 800 manat cərimələnib..