Bu gün AFFA İntizam Komitəsinin iclası keçirilib.

QOL.az PFL-in saytına istinadən xəbər verir ki, iclasda Misli premyer-liqasının 31-ci turundakı qayda pozuntuları ilə bağlı qərarlar qəbul edilib. “Araz-Naxçıvan” – “Turan Tovuz” oyununun 78-ci dəqiqəsində meydan sahiblərinin futbolçusu Vanderson Melo ikinci sarıdan qırmızı vərəqə aldığı üçün 1 oyunluq cəzalandırılıb, klub 500 manat cərimə edilib. Həmin matç bitdikdən sonra meydançaya kənar şəxslər daxil olduğuna görə naxçıvanlılar 800 manat cərimələnib. Eyni görüşdə “Turan Tovuz”un azarkeşləri tərəfindən pirotexniki vasitədən istifadə edildiyinə görə klub 1500 manat cərimələnib.

“Şamaxı” – “Kəpəz” oyununun 85-ci dəqiqəsində “şirlər"in futbolçusu Maykl Tuik ikinci sarıdan qırmızı vərəqə aldığı üçün 1 oyunluq cəzalandırılıb, bölgə təmsilçisi 500 manat cərimə edilib.

Bu matçda “Kəpəz” tərəfindən ehtiyat skamyaya dəymiş zərərin klub tərəfindən ödənilməsinə qərar verilib.