Nəhayət, Luka Modriçin aqibəti müəyyənləşib. Təcrübəli futbolçu “Real”dakı 13 illik karyerasını başa vurmalı olacaq.

Bu barədə yarımmüdafiəçi özü sosial şəbəkə hesablarında paylaşım edib. O, mövsümün sonunda Madrid klubunu tərk edəcəyini açıqlayıb. 39 yaşlı Luka həftəsonu “Santyaqo Bernabeu”da La Liqada “Real Sosyedad”a qarşı sonuncu matçını keçirəcək və azarkeşlərlə vidalaşacaq. Modriç “Real”a 2012-ci ildə “Tottenhem”dən transfer olunub.

Onu da qeyd edək ki, daha əvvəl Lukas Vaskesin də komandadan ayrılacağı məlum olmuşdu.