Mövsümün sonunda “Mançester Siti”ni tərk edəcək Kevin De Bruyne seçim qarşısında qalıb.

O, yaxın zamanda gələcəyi ilə bağlı qərar verəcək. Tanınmış insayder Fabritsio Romanonun yaydığı xəbərə görə, belçikalı yarımmüdafiəçi bir neçə təklif arasından birini seçməlidi. “Napoli” 33 yaşlı oyunçunu transfer etmək üçün vacib addım atıb.

İtaliya klubu bu keçidi artıq reallaşdırmağa hazırdı. Həmçinin, ABŞ-nin “Çikaqo Fayr” klubunun De Bruyneyə göndərdiyi təklif hələ də qüvvədədi. Futbolçunun ailəsi ilə birgə qərar verəcəyi bildirilir.