Mayın 9-da İsveçlə Danimarkanın şərikli təşkil etdiyi hokkey üzrə dünya çempionatı start götürdü.
Mundialla bağlı ən maraqlı xəbərləri nəzərinizə çatdırırıq. Daimi favoritlərdən Kanada yığması turnirə yetərincə güclü heyətlə qatılıb. “Pittsburq”un forvardı Sidni Krosbi DÇ-2015-dən bəri ilk dəfə “ağcaqayın yarpaqları”nın şərəfini qoruyur. 37 yaşlı hücumçu iki dəfə olimpiya çempionu olub, elə DÇ-2015-in də qalibidi.

“Minnesota”nın qapıçısı, artıq peşəkar karyerasını bitirdiyini elan edən Mark-Andre Fleri də yığmadan gələn dəvəti qəbul edib. Fleri milli komanda ilə 2010-da olimpiya çempionu olsa da, yığma forması geyməmişdi. Bu mənada DÇ 30 yaşlı qapıçı üçün debüt turniridi. Kanadanın Latviyanı darmadağın etdiyi oyunda Fleri buz üzərinə çıxıb.

Mayın 10-da keçirilən Almaniya – Macarıstan oyunu ikincilərin hücumçusu Doman Sonqot üçün əlamətdar olub. Sonqot son 76 ildə DÇ-də oynamaq imkanı qazanan ən gənc hokkeyçidi. O, 16 yaş 11 ay 2 günlüyündə buz üzərinə çıxıb. Bu göstəricidə rekord 1949-cu ildə 16 yaş 6 ay 29 günlüyündə DÇ-də debüt imkanı qazanan Norveç yığmasının hücumçusu Leyf Sulheymə məxsusdu.

Turnir ətrafında yaşanan başqa maraqlı hadisələr də var. Açılış günündə keçirilən Danimarka – ABŞ oyununa siyasət də qarışıb. Herninqdə keçirilən oyunu izləyən azarkeşlər ABŞ himnini fitə basıb. Həm də təkcə himn səslənərkən yox, amerikalı hokkeyçilər buz üzərinə çıxarkən və stadionda onların soyadı səslənərkən də. Xatırladaq ki, Donald Tramp ABŞ prezidenti seçiləndən bəri dəfələrlə Danimarka Krallığının bir hissəsi olan Qrenlandiyanı ölkəsinə birləşdirmək arzusu ilə çıxış edib. Odu ki, yerli azarkeşlərin davranışı anlaşılandı.

Herninqdə keçirilən daha bir oyunda maraqlı hadisə baş verib. Belə ki, buzun sınması üzündən Norveç – Almaniya oyununda 20 dəqiqəlik fasilə yaranıb. İlk periodun sonunda yaranan problem aradan qaldırılandan sonra oyun canlanıb.

A qrupu
Avstriya – Finlandiya 1:2 (1:2, 0:0, 0:0)
İsveç – Slovakiya 5:0 (3:0, 1:0, 1:0)
Sloveniya – Kanada 0:4 (0:1, 0:3, 0:0)
İsveç – Avstriya 4:2 (0:0, 1:1, 3:1)
Fransa – Latviya 1:4 (1:0, 0:1, 0:3)
Slovakiya – Sloveniya 3:1 (2:0, 1:0, 0:1)
Latviya – Kanada 1:7 (1:2, 0:3, 0:2)
Finlandiya – Fransa 4:3 ОТ (0:0, 1:1, 2:2, 1:0)
Avstriya – Slovakiya 3:2 Б (2:0, 0:1, 0:1, 0:0, 1:0)
Finlandiya – İsveç 1:2 (0:1, 0:1, 1:0)
Sloveniya – Latviya 2:5 (0:0, 2:4, 0:1)
Kanada – Fransa 5:0 (2:0, 1:0, 2:0)
Slovakiya – Fransa 2:1 (0:0, 1:1, 1:0)
Latviya – İsveç 0:6 (0:0, 0:2, 0:4)
Finlandiya – Sloveniya 9:1 (3:0, 4:1, 2:0)
Kanada – Avstriya 5:1 (0:1, 2:0, 3:0)
Avstriya – Fransa 5:2 (3:0, 0:0, 2:2)
İsveç – Sloveniya 4:0 (0:0, 2:0, 2:0)
1 2 3 4 5 6 7
1. İsveç 5 4 0 0 0 21-3 15
2. Kanada 4 4 0 0 0 21-2 12
3. Finlandiya 4 2 1 0 1 16-7 8
4. Slovakiya 4 2 0 1 1 7-10 7
5. Latviya 4 2 0 0 2 10-16 6
6. Avstriya 5 1 1 0 3 12-15 5
7. Fransa 5 0 0 1 4 7-20 1
8. Sloveniya 5 0 0 0 5 4-25 0

B qrupu
İsveçrə - Çexiya 4:5 ОТ (2:1, 0:2, 2:1, 0:1)
Danimarka – ABŞ 0:5 (0:1, 0:2, 0:2)
Norveç – Qazaxıstan 1:2 (1:0, 0:1, 0:1)
Almaniya – Macarıstan 6:1 (2:0, 2:0, 2:1)
Danimarka – İsveçrə 2:5 (0:1, 2:2, 0:2)
ABŞ – Macarıstan 6:0 (2:0, 1:0, 3:0)
Almaniya – Qazaxıstan 4:1 (1:1, 1:0, 2:0)
Norveç – Çexiya 1:2 (0:0, 1:2, 0:0)
ABŞ – İsveçrə 0:3 (0:2, 0:0, 0:1)
Çexiya – Danimarka 7:2 (0:0, 4:1, 3:1)
Norveç – Almaniya 2:5 (1:2, 0:2, 1:1)
Qazaxıstan – Macarıstan 2:4 (0:2, 1:0, 1:2)
ABŞ – Norveç 6:5 ОТ (4:1, 1:2, 0:2, 1:0)
Qazaxıstan – Danimarka 1:5 (0:0, 0:2, 1:3)
İsveçrə - Almaniya 5:1 (0:0, 4:0, 1:1)
Çexiya – Macarıstan 6:1 (2:0, 1:1, 3:0)
Macarıstan – Danimarka 2:8 (2:1, 0:3, 0:4)
İsveçrə - Norveç 3:0 (2:0, 1:0, 0:0)

1. İsveçrə 5 4 0 1 0 20-8 13
2. Çexiya 4 3 1 0 0 20-7 11
3. Almaniya 4 3 0 0 1 16-9 9
4. ABŞ 4 2 1 0 1 17-8 8
5. Danimarka 5 2 0 0 3 17-20 6
6. Macarıstan 5 1 0 0 4 8-28 3
7. Qazaxıstan 4 1 0 0 3 6-14 3
8. Norveç 5 0 0 1 4 9-18 1

Qeyd: 1 – oyun, 2 – qələbə, 3 – overtaymda qələbə, 4 – overtaymda məğlubiyyət, 5 – məğlubiyyət, 6 – şayba fərqi, 7 – xal.