Monrel və Boston şəhərlərində keçirilən, yalnız MHL-də çıxış edən hokkeyçilərin qatıldığı Dörd millətin turniri davam edir.

"Football-plus.az" xəbər verir ki, turnir çərçivəsində daha üç oyun keçirildi.

İsveç və Finlandiya yığmaları buz üzərinə çıxdı. İsveç Kanadanın ardından “ağcaqayın yarpaqları”na da uduzdu. Bazar günü Monrealda keçirilən Kanada – ABŞ oyunu daha maraqla gözlənilirdi. Axı Donald Tramp prezident postunu tutandan bəri bu iki ölkənin münasibətlərində soyuqluq yaranıb. Gərginlik hər yerdə olduğu kimi, hokkeydə də qabarıq nəzərə çarpır.

Təsadüfi deyil ki, artıq ilk 9 saniyədə üç dava baş verdi: 2-ci saniyədə Brendon Hegel ilə Mettyu Tkaçak, 3-cü saniyədə Sem Bennett ilə Bredi Tkaçak, 9-cu saniyədə isə Kolton Parayko ilə Cey Ti Miller tutaşdı. 6 hokkeyçinin hər biri 5 dəqiqəliyə meydandan qovuldu.

Maraqlı məqam odu ki, ABŞ yığmasının hücumçusu Mettyu Tkaçak oyundan sonra dava-dalaşı əvvəlcədən planlaşdırdıqlarını deyib:

Nəticəyə gəlincə, inamlı qələbə qazanan (3:1) ABŞ yığması finala adladı. Kanada yığması isə son 15 ildə ilk dəfə hücumçu Sidni Krosbinin heyətdə olduğu oyunda uduzdu.

Maraqlıdı ki, “Pittsburq”un kapitanı bundan əvvəl də Olimpiada-2010-un qrup turnirində məhz ABŞ yığması ilə oyunda məğlubiyyətlə (3:5) barışmışdı. 37 yaşlı Krsobi ümumilikdə yığmada keçirdiyi 52 oyunun 47-də qələbə qazanıb.

Finlandiya və Kanada yığmaları da qarşılaşdı. Bu oyunda qalib gələn “ağcaqayın yarpaqları” finalda ABŞ yığmasına rəqib oldu.

15 fevral
İsveç – Finlandiya 3:4 ОТ (1:2, 2:1, 0:0, 0:1)

16 fevral
Kanada – ABŞ 1:3 (1:1, 0:1, 0:1)

17 fevral
Finlandiya – Kanada 3:5 (0:3, 0:1, 3:1)