Bu gün futbol üzrə ölkə çempionatının 2-ci liqasında 26-cı, yəni son tura yekun vurulub.

"Football-plus.az" xəbər verir ki, son oyun günündə 4 matç keçirilib. Lider "Şahdağ Qusar" "Dinamo" ilə heç-heçə edib - 0:0. Bununla qusarlılar çempion olub. 2-ci pillədəki "Şəfa" isə səfərdə "Qusar"la qarşılaşıb və 9:0 hesablı qələbə qazanıb.

Qalan oyunlarda "Şəmkir" "Sheki City"ni, "Hypers Quba" "Araz Saatlı"nı 2:0 hesabıyla məğlub edib.

Xatırladaq ki, açılış günündə üç matç baş tutub. Turun ilk oyununda autsayderlər üz-üzə gəlib - “Füzuli” “Lerik”i qəbul edib - 0:1. “Şimal” evdə “Göygöl”lə qarşılaşdığı matçda qələbə qazanıbsa (2:0), “Kür-Araz” "doğma divarlar" arasında “Ağdaş”a uduzub - 1:4.

Qeyd edək ki, 2-ci liqa təmsilçilərindən "Şahdağ Qusar", "Şəfa", "Şimal" 1-ci liqaya vəsiqəni təmin edib.

20 may
Füzuli – Lerik 0:1
Zaur Nuruzadə, 79
Şamaxı, Olimpiya İdman Kompleksinin stadionu. Saat 17.00.

Şimal – Göygöl 2:0
Tofiq Nəsibov, 56. Ceyhun Kəlbəliyev, 87
Siyəzən, çəhər stadionu. Saat 17.00.

Kür-Araz – Ağdaş 1:4
Elxan Məmmədov, 57-p. - Vasif Nəsirov, 4. Araz Kərimxanov, 9. Elçin Süleymanov, 21. Ülvi Sarıyev, 40
İmişli, Heydər Əliyev adına şəhər stadionu. Saat 17.00.

21 may
Şəmkir – Sheki City 2:0
Akif Tağıyev, 57. Vidadi Cəfərov, 65-p.
Şəmkir, Olimpiya İdman Kompleksinin stadionu. Saat 17.00.

Araz Saatlı – Hypers Quba 0:2
Hüseyn Novruzov, 36. Vavid İmamverdiyev, 90+4-p.
Qırmızı vərəqələr: Rəsul İbrahimov, 70 (Araz Saatlı). Ağabəkir Həşimli, 70 (Hypers Quba).
Saatlı, Olimpiya İdman Kompleksinin stadionu, Saat 17.00.

Dinamo – Şahdağ Qusar 0:0
Binə, qəsəbə stadionu. Saat 17.00.

Qusar – Şəfa 0:9
Emin Zamanov, 14. Əsgər Hüseynov, 22. Amil Yunanov, 27-p; 40; 54; 72; Ülvi Quliyev, 76; 79. Samir Ağayev, 82
Qırmızı vərəqə: Rüstəm Rüstəmov, 26 (Qusar).
Bakı, “Neftçi” Futbol Mərkəzi (4-cü meydança). Saat 17.00.

Xal durumu: Şahdağ Qusar – 72, Şəfa – 71, Şimal – 58, Hypers Quba – 51, Şəmkir – 50, Dinamo – 39, Kür-Araz – 32, Araz Saatlı – 31, Qusar – 27, Sheki City, Göygöl – 21, Ağdaş – 20, Lerik – 19, Füzuli – 15.

Bombardirlər: Vidadi Cəfərov (Şəmkir) – 31, Cavid İmamverdiyev (Hypers Quba) – 30.