Bakıda minifutbol üzrə dünya çempionatına həsr olunan ölkə futbolunun əfsanələri arasında matç keçirilib.

"Football-plus.az" xəbər verir ki, Azərbaycan Minifutbol Federasiyasının təşkilatçılığı ilə keçirilən “Legends Cup”da “Neftçi 2000-lər” və “Premyer-liqa məşqçiləri” qarşılaşıb.

Gimnastika Arenasında baş tutan oyunda “Neftçi 2000-lər”in baş məşqçisi Ağasəlim Mircavadov olub. Bu komandada Rəşad Sadiqov, Zaur Tağızadə, Tərlan Əhmədov, Vidadi Rzayev, Mahir Şükürov, Ruslan Abışov, Emin Quliyev, Rəşad Abdullayev, Hüseyn Məhəmmədov, Rail Məlikov, Samir Əliyev, Samir Ələkbərov, Bəxtiyar Musayev, Mahmud Qurbanov meydana çıxıb. Kurban Berdıyevin baş məşqçisi olduğu “Premyer-liqa məşqçiləri" komandasının heyətində isə Qurban Qurbanov, Elçin Rəhmanov, Elvin Məmmədov, Vaqif Cavadov, Ayxan Abbasov, Rəşad Sadıqov, Müşfiq Hüseynov, Əfran İsmayılov, Yunis Hüseynov və Azər Bağırov, Samir Abasov, Fərhad Vəliyev, Elmar Baxşıyev yer alıb.

Hesabı Əfran İsmayılov açıb. Bərabərlik qolunu isə Rəşad Sadiqov vurub. Penalti seriyasında daha dəqiq olan “Premyer-liqa məşqçiləri” qələbə qazanıb - 3:2.

Oyunu izləyənlər arasında millimizin baş məşqçisi Fernando Santuş da olub.