final
Şaxtyor – Dinamo 1:1, p. - 6:5
Elias, 64 – Yarmolenko, 43.
Şaxtyor: Riznık, Bondar, Vinisius (Qram, 102), Matviyenko, Pedro Enrike, Bondarenko (Krıskiv, 62), Pedrinyo (Santana, 62), Sudakov (Sukanov, 90), Kevin, Qomes (Nazarina, 62), Eginaldo (Elias, 46).
Dinamo: Neşeret, Dubinçak (Vivçarenko, 104), Mixavko (Belovar, 112), Popov, Tımçik, Buyalski (Pixalenok, 81), Mixaylenko, Yarmolenko (Voloşin, 81), Vanat, Kabayev (Karavayev, 91), Şaparenko (Brajko, 74).

Tarixdə ilk dəfə Jitomirdə keçirilən finalın ilk yarısı haqda nəsə deməyə dəyməz. Monoton mübarizənin gedişində tərəflər qapı önündə heç bir təhlükə yaratmırdı. “Şaxtyor” fasiləyə qədər bir dəfə də Neşereti narahat etmədi. Kiyevlilər hissənin sonunda hesabı açdı. “Dinamo”nun sürətli hücumu zamanı Dubinçak sol cinahdan asma etdi, cərimə meydançasının mərkəzində nəzarətsiz qalan Yarmolenko uzaq küncü dəqiq “nişan aldı”.

Çempionatın lideri fasilədən sonra nəticəyə uyğun oyun göstərdi. “Şaxtyor” yenə də irəlidə heç nə edə bilmirdi. Amma Marino Puşiçin 62-ci dəqiqədəki əvəzetmələri işə yaradı. Baş məşqçi yarımmüdafiənin mərkəzi ilə yanaşı, hücumun sağ cinahını da yenilədi. Məhz Pedrinyonu əvəz edən Santana 64-cü dəqiqədə Eliasa məhsuldar ötürmə verdi.

Nə hissənin sonuna qədər, nə də əlavə vaxtda hesab dəyişdi. Penalti seriyasında komandalar ilk 5 zərbəni dəqiq yerinə yetirdi. 6-cı zərbəni vurmaq üçün “nöqtə”yə yaxınlaşan Krıskiv yenidən “şaxtaçılar”ı irəli çıxardı. Riznık isə Karavayevin aşağı küncə vurduğu zərbənin qarşısını aldı. “Şaxtyor” kuboku qazanmaqla həm çempionatda əbədi rəqibdən geri qalmasını bir qədər unutdurdu, həm də Avropa Liqasına vəsiqə qazandı. “Aleksandriya” çempionatda 2-ci olsa da belə, Konfrans Liqasında oynayacaq.

Ümumiyyətlə, indiyiə qədər Ukrayna kubokunu yalnız 5 komanda – “Çernomorets”, “Dinamo”, “Şaxtyor”, “Vorskla” və “Tavriya” qazanıb. “Şaxtyor”un bu turnirdə 15, “Dinamo”nun 13 qələbəsi var.