Misli premyer-liqasının 34-cü turunun "Sabah" - "Şamaxı" matçı Masazır təmsilçisinin 3:1 hesablı qələbəsiylə nəticələndi.

"Şirlər"in baş məşqçisi Ayxan Abbasovun oyunsonrası mətbuat konfransında dedikləriylə tanışsız. İş ondadı ki, mütəxəssis matçın baş hakimi Fərid Hacıyevin qərarlarından narazı qalıb-qalmaması haqda sualı eşidən kimi simasında yaranan reaksiyayla sanki "bezmişəm ondan" sözlərini işlətdi. Və çox keçmədi ki, həmin ifadələr cümlələrdə əksini tapdı:

Fərid Hacıyevin "Şamaxı"nın hansı oyunlarını idarə etdiyi və həmin matçların necə yadda qaldığını araşdırmaq qərarına gəldik. Ədalət təmsilçisi cari mövsümdə "şirlər"in dörd matçını idarə edib.

2-ci tur: "Araz-Naxçıvan" - "Şamaxı" 1:0
10-cu tur: "Şamaxı" - "Araz-Naxçıvan" 0:1
29-cu tur: "Şamaxı" - "Neftçi" 0:2
34-cü tur: "Sabah" - "Şamaxı" 3:1

Göründüyü kimi, Fərid Hacıyevin meydanda olduğu qarşılaşmalarda "Şamaxı" xal qazana bilməyib. Rəqiblərdən 7 qol buraxan komanda cəmi bir dəfə fərqlənib. Maraq üçün qeyd edək ki, "fit sahibi" bu 4 görüşdə 11 sarı vərəqə göstərib. Bunlardan 6-sı "şirlər"in, 5-i rəqiblərin payına düşüb. Həmçinin cəmi bir penalti təyin olunub ki, "Neftçi"nin futbolçusu Ramil Şeydayev 42-ci dəqiqədə hesabı açıb.

Statistika diqqətimizi cəlb etdiyindən Ayxan Abbasovun "Turan Tovuz"da çalışarkən bu hakimin iş başında olduğu matçlara da diqqət yetirdik. Məlum oldu ki, ədalət təmsilçisi 2022/23 və 2023/24 mövsümlərində "bozqurd"un 3 oyununda iş başında olub və Tovuz təmsilçisi bu qarşılaşmalarda da qələbə qazana bilməyib.

Öz aramızdı, Ayxan Abbasovun Fərid Hacıyevin idarəçiliyindən narazı qalması normadı. Bu qədər düşərsiz hakim olar?

KƏNAN BAHADIR