Əfqan Talıbovun son durumu necədi? – özü açıqladı
Əfqan Talıbovun “Parkinson” xəstəliyindən əziyyət çəkdiyindən xəbərdarsız. Xatırlayırsızsa, ötən ay mütəxəssisin son durumunu nəzərinizə çatdırmış, müalicə olunacağını yazmışdıq.
Əfqan bəylə əlaqə saxlayıb, sağlamlığıyla bağlı durumunu soruşduq. Onun “Football-plus.az”a cavabı:
“Şükür Allaha, hər şey yaxşıdı. Sağlamlığıma qovuşmağa doğru gedirəm. Özümü çox yaxşı hiss edirəm. Müalicəm davam edir. Dərmanları vaxtında qəbul edirəm. İnşallah, ən qısa vaxtda yenidən futbol camiəsinə qoşulacam. Sabah növbəti dəfə müayinə olunmaq üçün xəstəxanaya gedəcəyik. Lazım gəlsə, daha 2-3 ay müalicə olunmalıyam. Amma böyük ölçüdə sağaldığımı düşünürəm. Nəinki AFFA, ümumiyyətlə, futbol ictimaiyyəti vəziyyətimlə maraqlanır. Federasiya hər baxımdan yardım edir. Mənə dəstək göstərən hər kəsə təşəkkür edirəm”.
KƏNAN BAHADIR
Digər xəbərlər
