Əfqan Talıbov əməliyyat olunmayacaq
Tərcübəli mütəxəssis Əfqan Talıbovun “Parkinson” xəstəliyindən əziyyət çəkdiyini, futbol veteranlarının bayram günlərində onu ziyarət etdiyini xəbər vermişdik.
Futbol Veteranları İttifaqının sədri Oqtay Abdullayev “Futbol+”ə son açıqlamasında AFFA-nın da sağlamlıq durumunda problem yaranan mütəxəssisə yardım edəcəyinə inandığını bildirmişdi. Bu yöndə qurumun Mətbuat və İctimaiyyətlə Əlaqələr departamentinin rəhbəri Elnur Məmmədliylə də əlaqə saxlamışdıq:
“Parkinson”dan əziyyət çəkən şəxslər xüsusi müacilə mərkəzlərində müalicə olunur. Futbol Veteranları İttifaqının sədri Oqtay Abdullayev Əfqan Talıbovla əlaqədədi. Onlar aprelin 17-də müalicə mərkəzində qəbulda olacaqlar. Müayinələrdən sonra rəsmi sənəd əsasında xərclərin nə qədər olduğu bilinəcək. Bundan sonra AFFA lazımi maddi yardımı edəcək”.
Bir daha Oqtay bəylə əlaqə saxladıq. Müyinənin nəticəsi ilə bağlı bilgi almaq istədik: “Qəbulda olduq və AFFA-ya bununla bağlı məlumat verəcəm. Onlar da pul ayıracaq, kömək edəcək. Dərmanlara təxminən 1000 manat pul gedəcək. Əfqanın əlləri titrəyir. Ümumilikdə vəziyyəti pis deyil. Dərmanlar qəbul edəcək. Həkimlərin dediyinə görə, əməliyyat olunmasına ehtiyac yoxdu. Xəstəlik başlanğıc mərhələsindədi. Hələ dərmanlar qəbul edilməlidi. Üç aydan bir yoxlamadan keçməlidi”.
ƏSƏD SEYİDOV
Digər xəbərlər
