“Bilet tapa bilməyən azarkeşlərimiz ağlayıb” - “Şahdağ Qusar”ın prezidenti
Bu gün 2-ci liqanın 24-cü turu çərçivəsində keçiriləcək “Şəfa” - “Şahdağ Qusar” oyunu futbol ictimaiyyətinin maraq dairəsindədi. Axı məhz bu oyunda çempionluğun taleyi həll oluna bilər.
Digər tərəfdən, “Şəfa” rəhbərliyi qusarlı azakeşlər üçün bilet qiymətinin 10 manat müəyyənləşdirməklə onları əməlli-başlı qıcıqlandırıb. “ASK Arena”ya təxminən nə qədər qusarlı azarkeşin gələcəyini, təhlükəsizlik məsələlərinin necə tənzimlənəcəyini öyrənmək üçün Qusar klubunun prezidenti Elçin Cananovla əlaqə saxladıq:
“Azarkeşlərə 514 bilet satıblar. Bütün biletlər tükənib. Bilet axtarırıq, tapa bilmirik. Hər kəs bilet axtarır, tapa bilmir. 16-17 yaşlı üç-dörd azarkeşimiz bilet tapa bilmədiyinə görə ağlayıb. 745 bilet satışa çıxarıblar, 514-ün satıblar. Qalan biletlər hanı? Bilmirik. Deyirlər hamısını sizə satmışıq, bizə gəlib çatan bilet sayı 514-dü. Əslində bizə ayrılan yer sayı 1040 olmalıydı. “Şəfa” dedi ki, 745 bilet mümkündü. Guya 745 bilet satışa çıxardılar, bizə 514 bilet verdilər. Biz istədik ki, hamısını bizə versinlər, iki saat sonra dedilər ki, biletlər tükənib. Azarkeşlərimizin təhlükəsizliyinin təmin olunması üçün “Şəfa” rəhbərliyinə məktub göndərmişik. Avtobusların dayanacaq ilə təmin olunması və s. və i.a. Yəqin ki, bu yöndə heç bir problem olmaz”.
Digər xəbərlər
