''Çelsi'' rəhbərliyi ilə ilk təmasım ''Portu'' ilə Çempionlar Liqasında 1/4 finalda iştirak edərkən olmuşdu. Premyer-liqaya çox böyük marağım var idi. Düzdü, ağlımın bir ucundan İtaliya da keçirdi. ''Çelsi'' mənimlə əlaqə quran ilk İngiltərə klubu olduğu üçün elə onlara da üstünlük verdim. İngiltərə futbolunun önəmli isimlərindən olan Bobbi Robsonla bir neçə il çalışmışdım. Ona görə də İngiltərənin mədəniyyəti və trendlərindən xəbərdar idim. ''Çelsi''nin başına keçərkən məğlubedilməz ''Arsenal''dan və yaralı aslana bənzəyən ''Mançester Yunayted''dən çəkinirdim. ''Portu''da 4-4-2 sistemini yeni səviyyəyə çatdıraraq ÇL-i qazanmışdım. ''Çelsi''də ilk vaxtlarda bu sistemi uğurla tətbiq etdim. Ancaq tədricən oyunçulara güclü yönlərini sərgiləməyə imkan verən sistemə keçdik. Lempard ''8'' nömrə mövqeyində özünü rahat hiss edirdi. Co Koulun mövqeyi ''10 nömrə'' yox, cinah idi. Robben və Daffı ehtiyatda saxlaya bilməzdim. Krespo, Veron kimi bir çox ismi göndərmək mənim qərarım idi. Məqsədim Terri ilə Lempardı ön plana çıxarmaq idi. İlk mövsümdə ''Bolton''u səfərdə məğlub edərək çempionluğu rəsmiləşdirdiyimiz gün ''Çelsi''dəki ən xoşbəxt günümdü''.