"Sabah" ölkə kubokunun yarımfinal mərhələsinin cavab oyunu çərçivəsində "Neftçi"ylə heç-heçə etdi - 1:1 (ilk oyun - 2:1).

"Football-plus.az" xəbər verir ki, "bayquşlar"ın baş məşqçisi Vasili Berezutski oyunsonrası mətbuat konfransında jurnalistlərin suallarını cavabladı.

- "Sabah"la tarix yazdız. Finalda daha bir tarix yaza bilərsiz. Bu haqda düşüncələriniz necədi?
- Daha böyük uğurun biraddımlığındayıq. Titulu qazanmaq üçün əlimizdən gələni edəcəyik.

- Həftəsonu "Qarabağ"la oyununuz var. Finalda da rəqib eyni komandadı. Bu oyunlara necə hazırlaşacaqsız?
- Növbəti matçda heyətdə rotasiya edəcəyik. Finalda isə hər şey ola bilər. Sona qədər mübarizə aparacağıq. 

- Niyə dominant futbol oynamadız? Səfərdə qazanılan üstünlüyü qorumağa çalışdız, yoxsa?
- Məncə, ikinci hissədə dominant futbol oynadıq. Qol vurmaq üçün şanslar yaratdıq. Əsas odu ki, məqsədimizə çatdıq.

- Bundan sonra çempionatda yuxarı pillələrə yüksəlməyə çalışacaqsız, ya məhz kubok matçını düşünəcəksiz?
- Çempionatın hər oyunu bizim üçün final dəyərindədi. Bütün matçlara meydana yalnız qələbə üçün çıxacağıq.

- Leonid Slutskini (rusiyalı peşəkar futbol məşqçisi - red.) "Qarabağ"la final matçına dəvət edəcəksiz? Sizə mənəvi baxımdan dəstək ola bilər.
- Böyük məmmuniyyətlə dəvət edərdim. Lakin Çindəki oyun cədvəllərini bilmirəm. Məncə, çağırsam, məmmuniyyətlə gələr.

KƏNAN BAHADIR