Bilindiyi kimi, “Qarabağ”ın heyətdə ciddi dəyişikliklər edəcəyi gözlənilir.

Daha əvvəl saytımızda yayda klubla müqaviləsinin müddəti bitəcək futbolçuların adlarını dərc etmişdik. Xatırladaq ki, bunlar Şahruddin Məhəmmədəliyev, Kevin Medina, Bədavi Hüseynov, Mateus Silva, Abbas Hüseynov, Marko Veşoviç, Patrik Andrade və Yassin Benzya idi.

“Football-plus.az”ın məlumatına görə, Medinayla müqavilənin müddəti mövsümün sonunda bitmirmiş! Sən demə, “köhlən atlar” cari mövsümün birinci yarısında kolumbiyalı stoperlə növbəti dəfə danışıqlar masası arxasında əyləşərək müqaviləsinin müddəti daha iki artırıb. Yəni təcrübəli futbolçu 2027-ci ilin yayına qədər ağdamlıların şərəfini qoruyacaq.

Xatırladaq ki, Medina 2020-ci ilin yayından “köhlən atlar”ın uğurları üçün tər tökür.

KƏNAN BAHADIR