2023/24 mövsümündə Misli premyer-liqasında ən çox əcnəbi futbolçuya malik klub “Qarabağ”dı.

“Köhlən atlar”ın heyətində 16 əcnəbi var. Bunlar Andrey Lunyov, Luka Quqeşaşvili, Mateus Silva, Marko Veşoviç, Kevin Medina, Patrik Andrade, Yassin Benzya, Adama Diakabi, Julio Romao, Marko Yankoviç, Hamidu Keyta, Leandro Andrade, Abdulla Zubir, Juninyo, Redon Cica və Qaspar Panaderodu. Ağdam təmsilçisi qışda da heyətini gücləndirməkdən ötrü bu oyunçuların ikisindən qurtulmaq istəyir. Söhbət Panadero ilə Diakabidən gedir. Qurban Qurbanov bu iki futbolçunun xidmətində maraqlı deyil. Bu səbəbdən də onların komandadan ayrılmasına problem yaradılmayacaq. Artıq ispaniyalı ilə yollar ayrılıb. Qaspara əvvəlcədən 4 aylıq maaşı ödənilib. Bunun sayəsində onunla müqavilə ləğv edilib. Adama isə Fransadan və Türkiyədən klub axtarışındadı. Yaxın günlərdə onun da “Qarabağ”dan ayrılması gözlənilir.

İLKİN SULTANLI