Slovakiyanın paytaxtı Bratislavada güləş üzrə Avropa çepionatı davam edir.

"Football-plus.az" xəbər verir ki, bu gün Azərbaycanın daha beş yunan-Roma güləşçisi mübarizəyə başlayacaq.

Nihat Məmmədli (60 kq), Həsrət Cəfərov (67 kq), Ülvü Qənizadə (72 kq), Qurban Qurbanov (82 kq) və Murad Əhmədiyev (97 kq) xalça üzərinə çıxacaqlar.

Digər dörd yunan-Roma güləşçisi isə medal görüşü keçirəcək. Eldəniz Əzizli (55 kq) finalda Emin Seferşayevlə (UWW), Murad Məmmədov (63 kq) bürünc medal uğrunda Tino Ojala (Finlandiya) - Vitali Yeriomenko (Ukrayna) cütünün qalibi ilə, İslam Abbasov (87 kq) Karen Xaçatryan (Ermənistan) - Yaroslav Filçakov (Ukrayna) duelinin qalibi ilə qarşılaşacaq. Beka Kandelaki (130 kq) təsəlliverici görüşdə David Ovasapya (Ermənistan) ilə üz-üzə gələcək.

Qeyd edək ki, daha əvvəl Azərbaycan sözügedən yarışda 6 medal qazanıb. Sərbəst güləşçilərimiz 1 qızıl, 1 gümüş və 4 bürünc mükafat əldə ediblər. Millimiz bu nəticə ilə komanda hesabında Avropa çempionu olub.