"Təəssüf ki, sıfırdan başlamalıyıq" - Cahangir Fərəcullayev
AFFA-nın baş katibi Cahangir Fərəcullayev qurumun Hesabat Konfransında Azərbaycan futbolunun hazırkı durumundan danışıb.
"Football-plus.az" xəbər verir ki, o, hazırda futbolumuzda vəziyyətin ürəkaçan olmadığını deyib:
“Azərbaycan futbolunun indiki durumu ürəkaçan deyil. İnkişaf üçün yeni struktur yaradılması vacibdi. Təəssüf ki, sıfırdan başlamalıyıq. Hamı uşaq futbolunun pis olmasından danışır. Bu, bizim yaralı yerimizdi. Amma uşaq futbolunun inkişafı üçün infrastruktur lazımdı. Biz işə kosmetik təmirlə başlaya bilmərik. Bu işlərə bünövrə qurmaqla start verməliyik".
O, futbolumuzda olan əsas problemlərdən də danışıb:
"Hazırda əsas problem futbolçu yetişdirmək üçün məşqçi və təmsilçilərin olmamasıdır. 10 milyonluq Azərbaycanda 7 təlimçi struktur var. Avropada isə bu, dəfələrlə çoxdu. Gənc istedadların futboldan uzaqlaşmaları ən böyük problemlərdəndi. Bununla bağlı tədbirlər görüləcək. Məqsədimiz gənc futbolçuları peşəkar səviyyəyə çatdırmağa kömək etməkdi”.
Digər xəbərlər
