"Football-plus.az" saytı olaraq 3 oyunun üçdəüç və ya üçdəiki zəfərlə bitmə ehtimallarını araşdırdıq. Bu məqsədlə təcrübəli futbol mütəxəssisi Aslan Kərimovu aradıq. Onun fikirlərinə keçid alaq:
"Qarabağ"da hər şey yaxşıya doğru gedir. "Sabah" da son illərin yaxşı çıxış edən komandaları sırasındadı. Hər iki təmsilçimiz ev oyununda ümidverici nəticələr əldə edib. "Köhlən atlar"dan arxayınam. Lakin "Sabah" daha ehtiyatlı davranmalıdı. Məncə, "Qarabağ" top fərqini artıraraq qalib gələcəksə, "bayquşlar" "sülh"lə razılaşaraq mərhələni adlayacaq. "Neftçi"yə gəlincə, komanda hələ ki, yüksəlişə keçə bilməyib. Düzdü, hansısa möcüzə "ağ-qaralar"ı xilas edə bilər. Amma buna bel bağlamaq olmur. Çox güman ki, bu axşam 2 şad xəbər eşidəcəyik".
KƏNAN BAHADIR
