“Səbail” Misli premyer-liqasının 28-ci turunda “Kəpəz”lə heç-heçə etdi - 1:1.

“Football-plus.az” xəbər verir ki, oyundan sonra qonaqların baş məşqçisi Elvin Məmmədov mətbuat konfransında görüş haqda fikirlərini bildirib.

- Bütün müsəlmanların bayramı mübarək olsun. Çətin rəqibin gözlədiyini bilirdik. Bəzi sözlər var ki, işlədə bilməyəcəm. Bu gün bizə bu xal xeyir verir.

- Sanki, oyunun sonunda 1 xal üçün mübarizə aparırdınız. 1 xal üçün gəlmişdiz?
- Sırf onun üçün gəlməmişdik. Nəticə olaraq futbolçular əziyyət çəkir. Futbolçu yorulubsa, oyunu gecikdirə bilər. Şükürlər olsun ki, uduzmadıq. Çempionat davam edir.

- Komandanı müvəqqəti davam etdirdiz. Komanda sizdə qalsaydı daha yaxşı vəziyyətdə ola bilərdi?
- Keçmişdə qaldı. Rəhbərlik o durumda mənə şans verdi. Onlara təşəkkürümü bildirirəm. Çətin durumda olan komandaya cavan məşqçini təyin etdilər.

- Sona doğru gedirik. Bu müddətdə komandanı psixoloji cəhətdən hazırlamaq çətin deyil?
- Bu barədə çox işləyirik. Sırf bunun üzərində çalışırıq. Bu gün bizim məqsədimiz futbolçuları bu durumandan çıxarmaqdı.

- Cavid Hüseynov getdikdən sonra söhbətiniz olub?
- Mən Cavid müəllimi əvvəldən tanıyırdım. Bu gün hansısa şəkildə getməyi dostluğumuza zərər gətirməz.

- Təkrar start heyəti qurmaq imkanınız olsaydı, Mirabdulla Abbasov və Nihad Quliyevi oyuna buraxardız?
- Yenə də şans verərdim. Alınmadı deyə futbolçunu "kəsmək" olmaz.

ƏSƏD SEYİDOV