''Bizim dövrümüzdə nə telefon var idi, nə də ''playstation''. Yalnız futbol var idi. Hər məşqi, hər oyunu böyük səbirsizliklə gözləyirdim. Ona görə də futbol mənim üçün tək hobbi yox, həm də həyatımın bir parçası idi. 2007-də ''Bolton''a yollanmaqla həyatımın ən böyük səhvini etdim. Çünki ''Yuventus'' və ''Milan''dan da təklif almışdım. Məni ''Bolton''a israrlı şəkildə dəvət edən məşqçi qovulduqdan sonra heç kim durumumla maraqlanmadı. Sizi əmin edirəm ki, ''Qalatasaray'' başqa bir liqada oynasaydı, dünyanın ən böyük klubları arasında göstərilərdi. Orda fanatların enerjisi sadəcə inanılmazdı. Türkiyədə ev oyunlarımızda yaşadığım atmosferi başqa heç yerdə yaşamadım və bundan sonra da nə vaxtsa, yaşayacağımı düşünmürəm. ''Napoli''də Marek Hamşik ilə birlikdə oynadım. Meydanı görmə qabiliyyəti və texnikası inanılmaz idi. Amma birlikdə oynadığım ən özəl futbolçu ''Qalatasaray''da Sneyder idi. Problem yaşadıqda topu Sneyderə verirdik və o, mütləq bir çıxış yolu tapırdı. Topla edə bilməyəcəyi bir şey yox idi. MLS-də elitanı heç kim tərk etmir. Bu da təzyiqi azaldır. Ümumiyyətlə, Avropada futbol ABŞ ilə müqayisədə daha coşqulu və rəqabətcildi. Etiraf edim ki, 2020-də sırf pul üzündən Çinə yollanmağa razılıq verdim. Ancaq indiki gənclərə bunu məsləhət görmürəm. Pul xətrinə zəif çempionatlara getməsinlər. Ümumiyyətlə, gənclərə yeni dil öyrənməyi kitablar oxumağı, özlərini inkişaf etdirməyi məsləhət görürəm. Tək futbolçu keyfiyyətlərinin yox, dünya görüşlərinin də inkişafına diqqət ayırsınlar''.